كابتن وليد احب اشكرك جداا علي تعبك ومجهود حضرتك معيا الفتره الي فاتت والله حضرتك من احسن واجدع واطيب الشخصيات الي عرفتها في حياتي ، حضرتك اخ كبير ليا وصاحب والله حضرتك من اعز الناس الي قلبي 👑🤍 وربنا يعلم انا زعلان قد اي ي كابتن اني مش هدرب معاك تاني
احسن كابتن ممكن تتمرن تحت ايده ، خبره كبيره جدا في مجال الجيم عموماً ، كوتش فاهم في كل حاجه وعنده كميه معلومات كبيره ، يمرنك و يفهمك فايده كل تمرين وبيستهدف عضله ايه ويحببك في الجيم و غير ان هو من الشخصيات المحترمه والمستحبه وهترتاح في الجيم والتمرين معاه .
الكابتن وليد من احسن الكباتن الي ممكن تتمرن معاهم وبيعرف يوصل ل دماغك ويفهم انت محتاج ايه من غير ما تتكلم كتير
حابب اشكرك علي تعاملك معايا بهدوء وضمير وعلي عدم استعجالك معايا في اي حاجه واكتر شيء مميز انك بتساعدني في كل تمرينه واقف معايا لحد الآخر ولحد ما اوصل ل technique الصح لكل تمرينه والحقيقي تحسد علي صبرك وطولت بالك خصوصا لما تشتغل مع شخص يعتبر سنه اولي جيم وزيرو خبره الكابتن وليد، مبيزهقش ومهتم بكل ال details كل التفاصيل حرفياً
الموضوع معايا صعب فكره تأهيل العضله الضامه وبعد اصابه 3 سنين فيها هو شيء صعب محتاج استهداف العضله بطريقه غير مباشره احياناً وده بسبب قله المرونه نتيجه المده الكبيره وفقدان العضله قوتها وحقيقي الكابتن وليد بيعمل كده ب ابداع .
كابتني ببيشتغل بطريقه نموذجية وب احترافيه كبيره علشان اوصل ل مرحله ال Recovery ، انا حاطط الكابتن وليد في حته رخمه ما بين أن معنديش وقت بسبب الجيش كافي ووقتي محدود وضيق ومع ذلك بيتعب معايا ومقدر وقتي وبيحاول يهندل الدنيا معايا وبيستهدف مكان الاصابه بالظبط بدون ألم وده يدل علي مدي كفائته كاا Leader في المكان وكان مصمم يعرفني تمارين اعملها في وقت وجودي في الجيش لإنجاز الوقت
تستاهل كل خير يا كابتن وليد فتره بسيطه اتعاملت معاك فيها
اكتسبت فيها شخص واخ كبير ليا قبل كل حاجه شخصيه مليانه روح وطاقه ايجابيه تخلينا نوصل لحته بعيد وبدعمك المتواصل مخليني قادر اكمل وارجع تاني وخليتني احب فكره الجيم ويكون عندي شغف اكمل حتي بعد تأهيلي أنا خلاص حبيت الجيم وبقيت شخص excited بطريقه كبيره اكمل بعد كده 👌
اختياري لرويال جيم هو كان بمثابه Risk ومكانش الاوبشن الاول ليا خالص لمرحلة التأهيل م الاصابه والعودة للملاعب بس مش ندمان ع التجربه لما قابلتك يا كابتن ، اهتميت من اول يوم بحالتي وبتتعامل معايا بطريقه professional حقيقي
شكرا علي تعبك معايا ومحاوله تأهيل إصابتي وتشجيعك ليا دايما وإن شاء الله بمساعدتك ارجع تاني ومبسوط بتجربتي ل رويال جيم اكيد .. واقعيا المكان بينجح بناسه وانت مثال لكده شكرا علي كل مجهودك معايا بتمنالك مزيد م التوفيق والنجاح في حياتك الشخصية ❤️
كوتش وليد صادق امين بيدرس كويس كل معلومه بيدور عليها علشان يقدر يوصلها بأقصر الطرق و أسهلها بيعرف يربط كويس اوي بين خبراته العمليه و خبراته العلميه غير انو صاحب فكر متمييز من الآخر جامد جداً .
جوده ممتازه وتواصل رائع وممتاز واستفدت كثير من التجربه.
الاخ وليد المعداوي تعاملت معه في اكثر من مشروع وجدته محب لعمله ومخلص لأداء مهامه بأعلى مستوى من الإحترافية والجودة والإتقان لايكتفي بهذا فقط بل يرشد العميل بكل امانة وصدق.
استمع لرأى الشيخ آدم فى تجربة العمل مع المدرب المصرى وليد المعداوى
شخصية محترمة ومحترفة فى مجال التدريب خلوق وصاحب شخصية متزنة هادئ الطبع دائماً فى حالة تركيز وله القدرة على جذب المتدربين معه وجعلهم فى حالة من التركيز العالى وجذبهم بشكل مستمر مستوى تواصل مع المتدربين.